إيه اللي جابك
قفلت بابك
إيه اللي جابك
جاي تضحك عليا بكام هديه
رشوة غيابك
كل حاجة عندك بالفلوس
راجع بعد الغياب وكمان تدوس
جنسك ايه
فاكرني لسه ف انتظارك
عاوزني تانى اشرب مرارك
أنا قلبى سابك
جاي تطلب منى أضحي
ولاجاي تصحي
كل جراحي القديمة
من أمتي كان ليا قيمه
جاي تاني بأي وش
تطلب منى أعيش وغش
ماتحاولش
إيه اللي جابك
أنا قلبى سابك
خسارة فيك حتى العتاب
ماشوفتش منك يوم جواب
أحس بيه إنك فاكرني
ويبات ف حضني
واشوفك جوه كل كلمه
وكل حرف
واشم عطرك
والمس بصمة إيديك
وغازل عينيك
وتجيني صورتك
وتقولي فاكرك
وانام وقلبي بيسلم عليك
أو اشم ريحة دخان سجايرك
كان قلبى سايرك
وقدرت أضحك عليه
إيه اللي جابك
انا قلبي سابك
كنت مشتاقه لكلمه منك
ترد بيها روحي
أو تاخدني جوه حضنك
وانسى جواه جروحي
إحساسك إيه وانت راجع
ملهوف عليا
ولاجاي بتزيد المواجع
بكام هدية
أنا جوابا ألف مانع
قفلت بابك
وقلبي سابك
إيه اللي جابك
الشاعرة عبير حسن
ليست هناك تعليقات:
إرسال تعليق