لحظه صمتك
عارف لما سكوتك
يسكن قلبك و الكلمه محبوسه جواك
لما تلاقي دموعك جوه عيونك
وانت تضحك بس الضحكه من ورا قلبك تايه علشان تثبت انك عايش
اصعب حاجه لما تكون محتاج لقلبك يبقي في حضنك
ومتلقيهوش
عارف ليه
صمتك قاتل كل عواطفك
عقلك رافض حقيقه الواقع
صوتك رايح جوه سكوتك
حتي دموعك ويا سكاتك
ولحظة ضعفك شغله حياتك
مبقاش حتي محصل جايز
ترفض انك تظهر ضعفك
تكتب شعر مجرد وصف انك حاسس ومنتش عايش
وتسيب حزنك ولحظة يأسك وتلملم كل عواطفك
والباقي من احساسك ليك وتواجهه نفسك وتعيش ليك
عارف لحظه صدق تعيشها لوحدك
احسن م الكذبة اللي انته عاشها مع أصحابك ومش اصحابك
وبردوه الوحده احسن صاحب لما تصاحبه يخلص ليك.
صاحب روحك صاحب قلبك صاحب عقلك قلمك يكتب كل الموجود فيك..
#فوفا خضر
ليست هناك تعليقات:
إرسال تعليق