من القلب للقلب
انا البحر اللى مات غرقان
انا الفرح اللى بات زعلان
انا الحضن اللى بيطمن
لكن عمره ملهاش ف أمان
انا الايد اللى بطبطب
انا اللمه اللى بتقرب
انا الغصن اللى بيجرب
يمد فروعه ع الجدران
انا العمر اللى ضاع تخاطيف
انا الضحكه ام دم خفيف
انا اللون اللى زى الطيف
شايل جواه 7الوان
انا الحلم اللى لسه بعيد
انا الم يتم ف يوم العيد
انا العايش تملى وحيد
ما بين الأهل والخلان
انا الوحده اللى ملهاش زى
انا الجرح اللى من غير أى
انا القطر اللى رايح جاى
فى نفس السكه القضبان
انا الضى اللى بي نور
انا الصدق اللى بيحور
انا الصبر اللى بيدور
علي الفرحه بين الأحزان
انا الحب اللى بي فرح
انا الورد اللى بي فتح
انا الشوك اللى بيجرح
ايدين الحاسد الشمتان
انا الحاضر... وأنا الماضى
انا اللى بالعذاب راضى
وخرجوا العفو والغفران
انا القيصر.. وأنا الهلفوت
انا العيشه بطعم الموت
انا اللى كلامى كله سكوت
وعقلى الفذ.. كله جنان
انا الصعب اللى بالساهل
انا القلب اللى يستاهل
عاش طيب قوى وغلبان
انا المحتار وانا المسكين
انا المشتاق بنظره عين
انا الطير اللى كله حنين
يهاجر تانى زى زمان
انا البنك اللى متسول
انا الليل اللى بي طول
انا القديس اللى بيتحول
ف غمضة عين لشيخ فلتان.....
دى حاجه جنان
بقلم/حسام ابوحمدالله
Play Online Slot for Real Money at Shaolin Palace Casino
ردحذفShaolin Palace Casino is a top online casino where you can play with 바카라 사이트 real 제왕카지노 players from all around the world. We offer หารายได้เสริม our users a unique and exciting online