أنا والبيه موظف الأحوال
..............
ياسلام علي بلد الهبيشة
تعيش فيها ديما محتار
تعلن مليون ابو العيشة
لما تشيل الهم بأستمرار
متكهرب كما آله في فيشة
جمرة تتقلب وسط النار
تتقلب في الحياه زي الريشة
دليلها تاه ما تعرف ليها مسار
ناوي تغرب رجليك تولي مشرق
وتهون علي نفسك ونقول أقدار
في الأحوال المصرية عاوز سجلات شخصية
وفي الطابور أنا واقف زنهار
البيه علي المكتب يرط ويشخط
يفط ينط كأنه راقص في حفله زار
لاوي بوز وضارب بالوش تكشيرة
ومنخاير مقلوبة هتولي من الوش فرار
كوام ملفات وزبالة وشكاير
تقول كان مربوط فيها حمار
كأنه في قفص ديب هايج
والديب تملي مصاب بسعار
يتعصب أهدي في طباعه
وكأن البيه صعقه التيار
طباع البيه يا خواتي أملاك دوله
وجزمة الدولة على رقابنا قرار
البيه نفسه يشفيني بسطور تالم
وكأني دبيحة وهو جزار
البيه بيسلي نفسه بتعذيبي
لعبة قط وأيا الفارث
في سجلات البيه جد أمي مغلوط
الكمبيوتر كتبه محمد بدون سابق أنذار
أعملي يابيه القيد وخليه زي ما تحب
يسخر مني يفتكرني حمار
يصرخ ويقول موش معقول
يامواطن شغلنا أسرار
لو عاوز أغمز وأهمز بالمعلوم
الحته السمرة تطفي النار
..................
بقلمي أنا /عبدالسيد عبدالفتاح حامد
علي سلم الأحوال بوحت لكم بقصيدتي
الخميس 3/1/2019
ليست هناك تعليقات:
إرسال تعليق