احنا البلد
احنا البلد و اتولد
حب البلد فينا
و بقينا دهر و سند
و بلدنا فى عنينا
فى الشده لازما نكون
واقفين و ايد واحده
الجندى و الفلاح
سبقانا خطاوينا
آدرين و بسم الله
نطلق ولادنا رصاص
و نضحَى لجل البلد
و بلدنا فوق ع الراس
ابن البلد للبلد
مخلص وواد مجدع
شهم و فدائى و بطل
لا يخاف ولا بيركع
علشان تراب البلد
بتهون عليه روحه
فى الحرب بيكون سلاح
أو دانه للمدفع
بالعزم و الاجتهاد
فرسان و رجاله
نبنى الأمل بالعمل
و ايدينا شغاله
ننحت فى صخر الجبال
و الحر نار آيده
و تعبنا ينزل عرق
و بلدنا سقَاله
بقلمى \ محمد العربى
ليست هناك تعليقات:
إرسال تعليق