"البعد جفا" بقلم عبير القناوي (نداء العمر )
بيقولوا البعد جفا
بعدك وصال وحب
لو غبتي عني سنه
لساكي ساكنه القلب
لو بينا بعد السما
قلبي اسير القرب
أصل البعيد ع العين
هو القريب م القلب
لو بينا مليون باب
قلبي ليهم حارس
اتحدي أي عذاب
وربنا الحارس
يا ساكنه ف المحراب
واقف باعتابك
طمعان تواربي الباب
اتمشي فرحابك
واحلف فؤادي تاب
إلا عن ادمانك
مدمن يا خلق الله
وادماني فهواها
نفسي انول لله
لحظة محياها
هي الدوا والاه
موصوفلي لقياها
اتطبب م الهوا
واعتل واهواها
#نداء_العمر
ليست هناك تعليقات:
إرسال تعليق