سن العشرين / بقلم الشاعرة / نورهان عبدالسلام

.........سن العشرين ....... نورهان عبد السلام

سن العشرين ... ..جانا ولا جاش 

الضحكه علي وشوشنا 

والفرحه ما بنعيشهاش

جيل عايش بمبدأ غلط

يلا... مهو التعليم ببلاش 

علمونا المنافسه 

بس بشرف ما علموناش 

علمونا الحروف 

عرفنا نكتبها بس ما نقرأهاش

ما احنا في بلد الورق 

وجيل امتحان غشاش

بس جيل شال الهم بدري

عايشينها وما بنعيشهاش

ال شغله ليل نهار بيقول

مرتب ابويا ما بيكفيناش

واللي مهمومه ومخذوله 

بسألها ليه الهم ما بيسبهاش

قالت كل البنات اخر شياكه

وانا ابويا ما كساناش

وفيه في سن العشرينات

مشاعر وحب جياش 

بس فيه اللي خاين وال بايع

واللي بيتسلي ببلاش

حابه اقول لكل جيلي 

عيش حياتك يا ابن جيلي 

ده اللي خلقنا ما هيسبناش 

ثق بربك ..صوم وصلي 

وفروضك ما تنساهاش 

خلي عندك صبر دايما

اصل الجنه مش ببلاش 

.....

.......ً......اصل الجنه مش ببلاش................. .

نورهان عبد السلام