مش هستني
اشوف الموت
او حتي
تشربيني سكوت
ان كنت الغفير علي حدودك
فانا ابن الموت
انا اسمي شهيد
وفي قلب الليل
بتكفن بحلم غريب
يارض البور
يا رصاصة بتجري
في عروقي تهد السور
يا درويشه في بطن البار
وانا الصبار
ومستحمل اشوف المر
وان كان سكوتي متعشم يشوف
الحلم ....
فاذهودي بيعبد نار
وانا المزمار للي بيطل
في كل زار
وموله يداوي الليل
بدقه ناي محرمة
تطلع صوت
وعصفورك اللي جواكي
في سجن نهار
وانا الدوار في قلب البحر
ومستني اشوفلك زرع
انا الطاير بدون اهداف
انا عايش ف سنين عجاف
انا جندي في قلب النار
بحفرلك
في طين من صلب
انا الداوي في ارض الغم
انا الشحات واشباحي
تموت في البحر
انا القنديل ومتقندل
بصرخت فجر
واشعاري بتكتب جوع
والحانك تغني الدم
فنا العجاز
للي بتسند في كحل الليل
علي حبك علي عشقك
يابنت البار
انا اللاعب علي الدكة
معاه انذار
محمد راضي
ليست هناك تعليقات:
إرسال تعليق