انكسار
..........
شفناكي ....
شوفي انتي حالنا
واللي جرى بس لينا
بعد امّا دابت قلوبنا
بعد امّا سهرت عينينا
رميتي ....
سهمك وصابنا
وصاحبنا صبّ وأدينا
الشوق واخدنا وجايبنا
مرجيحه وانتي تبيعينا
يا أحلى ....
حلم وقتلنا
بعنيكي تاني اقتلينا
ولا تسألي حتى مالنا
قاتلانا وبتشتكينا
هانت ....
عليك ياقمرنا
أرواحنا لما اتلاقينا
هوه احنا لسه اتحسدنا
دا احنا يادوب ابتدينا
احنا ....
بهواكي آمنّا
وبنور عنيكي اهتدينا
"صلينا شطرك واتشاهدنا وانتي مصرّه تكفّرينا"
نسينا ....
حالنا وحلمنا
ع الشط بيكي اتلاقينا
تكسر عنيكي قلوبنا
وانتي بإديك تكسرينا
.................................
سمير فرج عبد القادر
(مصري شاعر)
من ديواني الثاني
احوال من دفتر صمت اخوانا البعدا
ليست هناك تعليقات:
إرسال تعليق