انا اسف
مع انك انتي اللي زعلتيني
وياما كنتي بتتجاهليني
حاولت ابعد ومش عارف
انا اسف
حاولت انساكي بس ازاي
ومين ينسي عمره الجاي
واستغربت في حزن الناي
وكنت ناسي ان انا العازف
انا اسف
حاولت ابعد عن التفكير
وابطل احبك وابطل اغير
لقيتني في الفيس بعملك شير
يا جناحي ومن غيرك ازاي اطير
يانن العين وفي بعدك منيش شايف
انا اسف
في غيابك شفت الحياه صفرا
وعشانك اول حب منيش خبرا
ساكن التجمع ولقتني رايح شبرا
بحبك ولو حبك حزام ناسف
انا اسف
واغير من الحب علي كونيشها
شبرا الخيمه اللي حبيتها عشانك
والمس ايدك واجمل لحظه اعيشها
واهمس واقول بحبك في ودانك
كنت ميت شفتك طلعلي بدل تالف
انا اسف
انا ميت حي من غيرك
انا حر لكن قلبي اسيرك
انا ردت روحي لما اجيلك
يالي في ليلي قمري الكاشف
انا اسف
مش صورتك اللي بتفكرني بيكي
دا انا كل دقه في قلبي ليكي
وكل ما فيا بيقول شاريكي
غبتي يوم شفت القمر خاسف
انا اسف
قلم . محمد سالم
ليست هناك تعليقات:
إرسال تعليق