كنتي عايزه تفرحي
ومحدده جوازه في يوم العيد
كنتي عايزه تزغرتي
لكن مات اصرخي يا ام الشهيد
انا صاحبو وكان عازمني علي الفرح
وكنت معاه في الميدان لما انجرح
كان حاسس بموته
علشان كدا وصاني
قال خلي امي تسامحني
انا مش راجعلها تاني
فكرتته بيضحكني
معرفشي انه يوم اكحل
لما اضرب ومسكني
قال كمل خليه يرحل
ابنك مكنش جبان
رافع علم مصر وعينه ع القناصه
واقفين وسط الميدان
فجأه اترمي ع الارض ولقيت في صده رصاصه
قلت بنطالب بالحريه
حرام عليكم يا بلطجيه
عايزين نرجع لمصر حياه
جاني دكتور مسك ايديه
بصلي الدكتور وسبل عنيه
وقلي البقاء لله
سمحيه يا امي وادعيلو
مش مصدق مش هشفو تاني ولا اجيلو
اعز صديق ليا كنت بحكيلو
من بين اصحابي الموت نقاه
كان بيقلنا يا نعيش احرار
يا يلعن ابوها حياه
وعلشان حر للجنه اختار
ورحلها مع الشهداه
مش هقلك متبكيش عليه
الله يصبرك علي الفراق
سامحيه يامي وادعي ليه
عارف انه شاب وان وداعو حراق
قومي غسلي ابنك وبوسي جبينه
ودعي اللي بالجنه ربنا هيكرمه
صعب تشوفيه وهوا نايم علي يمينه
لكن لازم يا امي علشان نروح ندفنه
كان نفسك تفرحي بيه وتشوفي ولاده
لكن مات شهيد علشان تحرير بلاده
قلم . محمد سالم
ليست هناك تعليقات:
إرسال تعليق