خليك دايما عالى/ بقلم الشاعر/ حسام فتوح محمد حمدالله

خليك دايما عالي ...

ف الليل يا قمر مرسولهم تبقالي ...

اعزاز خاطري .. خليك دايما عالي ...

يا قمر ناغيهم ..

واحكيلهم ميت اشواق عليهم ...

عقلي اللي ما طال كيف ايجيهم ...

بلاهم ابقي كيفا كما اللي جالي ...

لأجل إني تميت منهم فيهم ...

اللي وسعولي ضيق علم مجالي ...

خليك يا قمر شاهد إني عاطيهم ...

اعهود ف الغلا ما غيرهم يبقالي ...

حتى النفس نقسم اريد عليهم ...

ب العمر نفداهم اعزاز غوالي ...

كان غير ما انذكروا ف علل نطريه

*****

خليك دايما حاضر ...

ما اريد تبقى كي الوقت الغابر ...

مايل مع لقسام حالي دابر ...

ف اللي اريد يكون لي حلالي ...

لكن بعون الله قاعد صابر ...

نين بدنا نانس معاه الفالي ...

وكان ما عطاه القسم بين مقابر ...

ندفن القلب و سرهم في بالي ...

و هاذي وصيتي يا قمر ما تكابر ...

كن ما اهلاله طل وسط ليالي ...

خليك دايما عالي ...

ف الليل يا قمر مرسولهم تبقالي ...

اعزاز خاطري .. خليك دايما عالي ...
بقلم الشاعر/ حسام ابوحمدالله