انا الشعب اللى بالهموم موجوع
.....................................
بنسمع عن الهنا والسعد لكن الوعد مش لينا
وحتى الصبر قل وشح معدش بمره يكفينا
نقول الجوع موتنا وقل الذاد فى بيوتنا
يقولك يكفيك وجودنا يا اما تغور تهوينا
لفين راح اروح وصاحب الدار انا ومالك
فى بيتى ودفعت ايجار ومن الحمل انا بارك
شايل طنبور بلف وادور فى ليل سواده حالك
ونسمع عن الهنا والسعد ومعانا الحظ بيعارك
ونتكلم يقولك جوع عشان فيه فى البلد موضوع
ومش حاسس ان انا موجوع على لسانى بسنان عاضض
وعايش فيها متبغدد بيعطى لناس و يذود
وانا الكلب اللى متعود بيلحس التراب ويجوع
انا الشعب اللى بالهموم موجوع
بقلم محمد البلاط
ليست هناك تعليقات:
إرسال تعليق