الشاعر المصري / احمد ابراهيم
___________________
في قصيدة / متقولشي ليه
_______________
متقولشي ليه الوقت
واقف ع العقارب
متقوليشي ليه مكسور شراع
غارق يا قارب
متقولشي ليه وقف الزمن ع السنين
متقولشي ليه احلام وفيها العمر شايب
متقولشي ليه الفجر مطوي ع الحدود
متقولشي ليه البدر مخنوق كله موت
اسكت تعيش خليك جبان
شلة عيال وبيلعبوا لعبة كبار
بس النهار واقف على اخدود بنار
والليل كسيح واخد يا ريح
كل الأمال مليوووووووووووون سؤال
دم الغزال بين الشجر سايل وسال
وانا قلبي حاله من بشر طالب اعيش
بس الزمن واقف على عقرب رديئ
وانا بعترف انى الطريق
واخد على فصل الخريف مزروع بزيف
والزرع كان حبة فروع دي دبلانين
دم الغزال سايل وسال عرق الجبين
عقرب ساعات واقف على درب السكات
كل البنات باكيه بدموع
دم الغزال ريحة نزيف والوقت زيف
فصل الخريف عايش ومادد ع الغيطان
والزرع م الريح اللى طايل العيدان
واقع ورق قلبي اتحرق
على دم نازل م الغزال
كان الاذان واقف على جناح الظلام
مرديش يقول الله اكبر فى الظلام
والفجرمتكبل ايدين
مليووووووووون اسير واقف على شط الفرات
حتى اليمن فيها امراض الوباء
كلويرا وحروب مسجد دمشق بيترعش رعشة دموع
والجوع فريضه بتنقضي والأقصي واقف ع الدروب
امة عرب فيها الضمير ميّت
على كل الجنوب حتى الحبوب
متبحطرة متلوثه عقرب وواقف ع الساعات
مرديش يفوت وسنين وانا
واقف على درب الزمن دافع ثمن
والاسر كان اول طريق
الاقصي عايش بين ضباع واقف شريد
والعمر سارق متقولشي ليه
الوقت واقف ع العقارب
متقولشي ليه مكسور شراع غارق يا قارب
________________________________
بقلم الشاعر المصري / احمد ابراهيم
ليست هناك تعليقات:
إرسال تعليق