قصيده بعنوان ....اه يا مصر الكل فيكي مهان ....
شاربين المر من أسكندريه لأسوان....
والفقير نايم من الغلي جعان...
وناس تاني كرشها من حق الغلابه
مليان..
فين عدلك يا بلد ...فين حق الغلبان...
كل يوم تطلعوا لينا بمية قانون.....
وتقولو كله لمصلحه المواطن الشقيان..
مواطن أيه اللي نايم من الهم تعبان....
بتتضحكوا علينا ولا ده كلام جنان....
وقالها أسد الأمه زمان.....
سنصبح أضحوكه وسط البلدان......
مافهمناش كلامك غير متاخر
وبالقطن كنا سادين الودان ....
حتقولوا كل يوم تكتب قصيده ده
الكل مهان
استحملوني ده انا تعبت من الكتمان
اه يا مصر خيرك لغيرك...
ماعدنا نحس بالحنين لنيلك...
بجد أعزورينا الكيل طفح وده
ذنبك...
حبه أوباش نهبوا خيرك.....
وغرقونا في الديون ويقولوا
علشانك...
نعمل ايه نقعد نتفرج ولا نرحل لبلد
غيرك.
قطع اي لسان يقول اني كرهتك...
لكن لما يكون كل همي اشحت
اللقمه منك....
ونسافر للخليج ونتمرمط بسببك
وكفيلك يهينك ويطلع عينك....
و يذلك كمان وياكل خيرك....
ويأمر ويتحكم فيك كانه جوزك....
يبقي خلاص يا مصر انا مش هامك..
بقلم الشاعر / حسام ابوحمدالله
ليست هناك تعليقات:
إرسال تعليق