مستنى ايه
_________
بلاش تبحلق فيا كدا
وقولى يالا .. عاوز ايه
بتحبى
طب وماله .. فيها ايه
مكسوف تقولها
ولا انت خايف تعترفلى
باللى حاسه ومداريه
لو كنت عاوز تقول حبيبتى
ما تقولها يالا
مستنى ايه
قول أن طعم النوم نسيته
وأن ليل الشوق طويل
وطريق مهما مشيته
الف خطوة بدون دليل
قلبى حايكون لك دليلك
ياللى حبك مش قليل
قلبى عمال بينا ديلك
بنضه خلى الروح تميل
ورد كل الكون راسملك
فوق خدودك شيء جميل
حط قلبى جنب قلبك
دا الحنان مالوش مثيل
خدنى يالا جوا حضنك
واعرف اللحن الأصيل
نفسى ادوق الشهد منك
من شفايفك سلسبيل
دا الأمان شفته فى عيونك
والفراق بقا مستحيل
مستنى ايه
بقلم/ حسام ابوحمدالله
ليست هناك تعليقات:
إرسال تعليق