"واحد يشبهلك"
أحيانا
وانت مبعتر نفسك
في شوية أوراق شخابيط
بتظيط
في دواير وش الليل الساكن جواك
ضلاية صمت
ومرميه ف أوضة المكتب
بتحاول تتهجا مشاعرك
وتغالط قلمك
وتحوش من ألمك
خطوة بوحك بكلام اتهد
ف سكه نفسك
لمسافة طويلة
طويلة
لغاااية حلمك
أحيانا
بتلف كمان وتدور جواك على واحد
عايشك
طايش
أو
مش عايش
وف لحظة ما تقرب وتلاقي ف شخصك
واحد يشبهلك
تتلقاك أحزانك
على حجر صوابع حاضنه الريشة
اللي بتفرش على صدر الورق إياه
أحلامك
مع أحزانك
يتلموا ف روحك
حلم بيصرخ
ف بواقي قصيدة
#أحمد__الجندي
ليست هناك تعليقات:
إرسال تعليق