قصيدة ( 27 ) من ديواني الأول ( دوحة العشاق ) بعنوان ( المجروح ) بقلمي / مجدي عزت
( المجروح )
مرت الأيام وفاتت
قست القلوب وماتت
والحب كلمة حلوة نسمعها ف الأغاني
ف الدنيا خطاويا تاهت
وعينيا من الحزن شاخت
وعايش على أمنية من أجمل الأماني
واليوم ده الدنيا طابت
من ذنبي النهاردة تابت
وقالتلي يا مجروح خد حظك من حناني
اليوم ده ليك حبيب
بسماع صوته يطيب
جرح قلبك ويا عمرك قلت اشهد يا زماني
غسلت جراحي بيدي
وقلت النهاردة عيدي
ولبست أجمل ما عندي وقعدت أعد الثواني
( تمت )
بحمد الله وتوفيقه / مجدي عزت
ليست هناك تعليقات:
إرسال تعليق