صورة شعرية توضح جحود بعض الأبناء نحو أمهاتم بعد الزواج
قصيدة رقم ( 10 ) بعنوان ( يا خسارة )
بقلمي / مجدي عزت
( يا خسارة )
يا خسارة تعب الليالي والخوف والسهر
مرت الأيام وفاتت
قست القلوب وماتت
والأم لسه يا بني لساها بتنتظر
عينيها على الشباك
يا وليدها بتستناك
العين تبكي يا ولدي والقلب بيتعصر
نسيت عذابها والأنين
راح فين تعبها والسنين
حبك لغيرها يا بني النهاردة بينحصر
يا خسارة تعب الليالي
دا حرام حبك يا غالي
كنت هواها يا بني ودواها والنظر
ربنا وصاك عليها
وحياة لمسة إيديها
ف نهارها ولياليها ودعائها ف السحر
بكرة تندم يا غالي
وتبكي طول الليالي
تناديها مش هتلاقيها ويسبق القدر
قسيت قلبك عليها
ولا يوم بتشوف عينيها
وبدل ما أنت تراعيها قلبها انكسر
تبكي ليلها وتنوح
من ربك فين تروح
يوم يسألك عليها ومش هتقدر تعتذر
يا خسارة
( تمت )
مع تحياتي / مجدي عزت
ليست هناك تعليقات:
إرسال تعليق