مسجون
مسجون يا حالي مع خيالي
حاولت اهرب من ظلم سجّان
السجّان مخفي و نبرته عالي
بيعطي اوامر وبالأمر حيران
بشوفوا بخيالي والقلب مالي
شبّك ضلوعي عالقلب قضبان
وناي التجنّي بجرح مواّلي
وقاضي غرامي محيّر وعجزان
عربس خيطاني كسر مغزالي
و بقيت فيكي مغرم وقنعان
وخمر الصبر بالكاس أوحالي
وشوفِك مرقتي بليلنا العشقان
وبفرح بحالي بعشق الحاله/ي
انسان مسجون بقلب انسان
جناحي مدى هالكون جوّالي
وتشرين فيي يحلم ب نيسان
و كلما الدوالي خايل قبالي
بكتب قصيدي بسجن تنهيدي
بتمرق ع قلبي وحدها ايدي
تفلش الصورة والقلب جزدان
بقلم الشاعر / حسام ابوحمدالله
ليست هناك تعليقات:
إرسال تعليق