قصائد قصيره (31) *** بقلم السيدابوطاحون
ولا غير جمالك يرضيني
يا ام الشفايف ياسميني
همسة عيونك تلهمني
تملأ القصايد مياديني
*********
اقفلي ايام العذاب
واحضني الحب اللي غاب
بكره احلامك أوامر
والعذاب يصبح سراب
*********
محتار وعايز سؤال
يفتح لي قلبك يا حلوه
ياللي ف عيونك جمال
ما حد وصفه في غنوه
*********
حافض ملامحك قبل ما اشوفك
ساكنه في أحلامي و وجداني
فما تقتليش اللحظه بكسوفك
وخوفك انك تبقي عشقاني
*********
خليني ادوق
ياللي ف شفايفك
نبت البرقوق
و حنين عيونك
اطلق المشنوق
ونبض همسك
كله رقه وذوق
وعطر انفاسك
يأخدني ل فوق
خليني ادوق
*********
حبيبتي بتحبني
و روحها بتشدني
قلبين على دقه واحده
بالفرح بتمدني
*********
أرجوك خليك ف احضاني
عيونك بتطمني
جمالك و ما لوش تاني
همساتك بتجنني
*********
خايف من كتر جمالك
الدنيا تغير حالك
أبص ف يوم حواليه
الاقيني مش على بالك
*********
صباح الفل والياسمين
على ام العيون حلوين
ورغم البحر والصحرا
ملكتي القلب والبساتين
*********
يا بت يا ام الجمال
خلاني اعدي بحور
ركبنا قطر الكمال
وصلنا نبع النور
*********
مين اللي قال:
البحر عارف سكته
طول عمره مزنوق
في الشطوط بتسكته
والنار بتطلع
من جنابه وتكبته
لولا عيونك كان
يموت من حسرته
*********
طلع النهار ع الشجر
كان الشجر مشى
لما عزمنا القمر
ما قدرش يتعشى
*********
يطلع النور جوه قلبك
ورد عشقان الندي
وآنا قلبي جوه دربك
خاف يضيع حبه سدي
*********
يا ام العيون الجميله
النيل بينادي عليكي
و الورد جوه الخميله
نفسه يصبح في ايديكي
*********
#قصائدقصيره(31)
#السيدابوطاحون
#الأخنوم
ليست هناك تعليقات:
إرسال تعليق