الصعايده تاج لراسنا
عهد مش ممكن يحيد
يعني لما تقول صعيدي
ينحني معاك الحديد
الصعايده فيها قوه
يعني ناس تعرف مروه
يعني إحساس بالفتوه
يعني سيد من غير عبيد
الصعايده مش عواله
يعني ناس تفهم قواله
يعني حق و يعني صدق
يعني مهما ان كنت غايب
قلبنا يقرب بعيد
الصعايده حريمها واعره
يعني لو بان طرف شالها
تلقي نار الدنيا والعه
يعني مليون م الرجال
يسوي ست من الصعيد
إحنا ملناش ف الحديت
إحنا اسياد التمام
يعني لو شر ابتديت
إحنا بنرد بسلام
بس لو ع العرض جيت
قول علي الدنيا السلام
ردنا بيكون قوام
يعني ملناش في الوعيد
صبرنا هد الجبال
العيال في بلدنا تحبي
يحسبوها من الرجال
و الصبي لو شد عوده
ينكسف منه الجريد
نحترم كلمة كبيرنا
حتي لو ضد الحبايب
ننحني و نرحم صغيرنا
حتي لو كان فينا عايب
يعني من بدء الخلايق
لﻷصول و الحق لايق
حتي لو كان بينا شايب
عمته ع الراس تليق
يعني لما تقول صعيدي
ينحني معاك الحديد
أصلنا لﻷصل أصله
فكرك إنت ان عيبت ف اصله
يغير العايب مفاصله؟؟؟
احنا اصل الخير و فصله
يعني مش هنضيف جديد !!
بقلم الشاعرة/ جهاد زيادة
ليست هناك تعليقات:
إرسال تعليق