حلقة جديدة / يوميات حشرية
المشعوذة
صباح الخير ...عليكم ياكل اصدقائى ويوم جديد ...من يوميات مواطن.... من امبارح وانا
بعيد عنكوا مزاجى متعكر ....ومش طايقة.... نفسى...بسبب خناقة الولية الناقصة.... ام زغلول ...وجوزها سماعين...اللى يتشك فى
قلبه...قلت انا هقفل عليه بابى تليفزيونى ..
ولبى ..وشوية سودانى ..واعيش مع نفسى ..
واسبنى من جيران الهم العرر اللى مالهمش
لازمة ...ياخويا ..التليفزيون الاعلانات ....
اكتر م التمثيلية...بس فى اعلان وقع قدامى
بالصدفة .....الشيخ حسن الكتاتنى ...والشيخة
خديجة المغربية ...وقال ايه جلب الحبيب...
والمس ...والحسد...والقراق بين الزوجين....
وكل دة بالرقية الشرعية ...بالكتاب والسنة....
قلت اهو ادينى كافية خيرى شرى وقاعدة ف
حالى والتليفزيون هو اللى بيجر شكلى.. قلت
اخبط ع الولية الناقصة ام زغلول واقولها،....
يمكن ربنا يهدى الحال لقيت الولية بتفتحلى
الباب والضحكة ع وشها ...ونسيت علقة.... امبارح...صحيح وليه ماعندهاش دم....ولا..
احساس....يلا انا قلت اعمل الخير وارمية
البحر....خدى ياختشى يام زغلول نمرة .....
التلافون دى اتصلى ياختشى دول شيوخ ذى ...
الفل ...يمكن يفكوا النحس ويرجعوا جوزك
عن الهباب اللى بيطفحوا....اتارى جوزها اللى
يتخفى ف الشقة ...مش الولية الناقصة تقولى
بدل مانا عمالة ارص وارغى وانصح فيها....
قوم الراجل يخرج يشخط ف مراته ...وينده
ع اسم النبى حارسه وصاينه جوزى ابو امل ...
تعالى يابو امل خد ياعم مراتك من هنا.....
احنا مش عاوزين نصايح من حد....امور ....
الشعوزة دى مش بتاعتنا.....اخس عليك راجل
امال لو ماكنتش بدورلكوا ع الخير ...روح ...
الهى يزيدك سوطل....وانتى يام زغلول الهى
يرزقك كل يوم بعلقة عالم واطية وجيران ...
هم....جتكوا الارف.....الاقى الراجل بدل.... مايدافع عنى يقولى ...ياولية انتى مش عاوزة ....
تبطلى تتحشرى ف اللى مايخصكيش....
وبطلى تمشى ورى الشعوزة وشغل حدر جة
بدرجه بتاعك دة ....هو انا مش حالف عليك
بالطلاق ع الولية ام حسين ماتخش.. البيت
ولا تمسكى الفنحان تانى ....والنبى ياخويا ...
مش ام حسين دة التليفزيون ...هو اللى..... حاطت ارقام تلافون للشيوخ وهما اللى ....
بيقولوا لانا ولا ام حسين....ياولية اتقى .....
الله امال صلاة ايه اللى بتصليها .....صلاة ايه
يابو امل ياخويا صلى ع النبى دة السحر ....
مذكور ف القران دة ربنا سبحانه وتعالى ذكر ف كتابة العزيز السحر احنا ..هنعترض..؟ياولية
ماتدخلناش ف الشعوزة بتاعتك والفنجان والكلام الفاضى............. الناس علشان تطرد الشياطين
من بيوتها تقرا سورة البقرة ولو خايفة م الحسد تقرا المعوزتين ولو الرزق ضيق ولا مخنوقين يستغفروا ...ولو ربنا ابتلاهم بمصيبة ذيك ...يقولوا الحمد لله قدر الله
وماشاء فعل ...خلاص ياخويا ...ع طول... حاطت..عليه. ..ومدى فرصة للى يسوى واللى مايسواش يعلى صوته عليه ...ا نا مالى .....
صدق المثل اللى بيقول( اردب مهو لك ......
ماتحضر كيله...دقنك تتعفر وتتعب ف شيله )
انا كان ايه اللى حشرنى الهى يركبهم عفريت..
هى وجوزها....ودة كان يو م من يو ميات .....
مواطن ...حبت تعمل خير وادى اللى نبها ......
البهدلة .....وقلة القيمة ......م جيران الهم.....
وبكرة ميعادنا مع يوم جديد من........... يوميات ....مواطن ...وصباحكوا بردوا
كالعادة ....سكر زيااااادة .....وزياااااادة.....
ليست هناك تعليقات:
إرسال تعليق