يوميات حشرية" مولد النبي/ بقلم الشاعرة/ فوقية خضر

يوم جديد/ يوميات حشرية

مولد النبى 

صباح الخير عليكم ياكل اصحابى ويوم جديد من يوميات مواطن قمت النهاردة ولا بيه ولا عليه ولاحواليه ولسه لاعملت

حسنة ولاسيئة وبقول لاسم النبى حارسه

وصاينه  صباح الخيرياخويااا وبعيد عنكو

تقولوش شاف عفريت...مالك ياراجل ...

ماترد الصباح ..صباح الخير ياستى ...

يووووه هو فى ايه يادى الراجل مالك...

بتعاملنى معاملة الرغيف البايت كدة ليه

دة بدل ماتقولى كل سنة وانتى طيبة ..

اااااه مانا عارفك كل سنه وانتى طيبة 

وبعدين تقوليلى عاوزين حلاوة المولد

يانهارك مالهوش ملامح هو انت ياراجل

مش عاوز تجيب للعيال علبه حلاوة المولد لااااا دة يبقى جنااان رسمى

قال بطلوا دة واسمعوا دة ..ناقص كمان

تقولى مش هتجيبلنا دكر بط ...روحى 

ياشيخة الهى تتبطى هااااار اغبر ....

انت بتدعى عليه ياراجل مهو انا عارفة

بختى وحظى اللى ماحصلت اختك اللى جوزها ماعارف يراضيها اذاى ولا واحدة 

حتى م الجيران الهم العرر..طب دة انا..

شايفة ابو محمد وهو طالع وشايك ديك

رومى ...تقولش خروف. ياوليه احنا

مالنا كل واحد على اد ظروفه انتى عارفة

علبه الحلاوة بكام يعنى اروح اجيب ..

علبه حلاوة بنص مرتبى ...وانا مالى يعنى موسم من السنة للسنة وكمان مش هاين

عليك تجيبلنا علبه الحلاوة ودكر البط

امال يبقى موسم اذاى ياوليه انتى اتهبلتى انا لاقى اكفيكوا عيش حاف..

ياخويا مالك سايق الشحاته على طول ايه يعنى علبه حلاوة بخمسميت جنية ياوليه خمسين قرد يتنطتوا على كتافك وكلمة منه على تلات اربع كلمات منى ساب البيت وراح على امه....والنبى ماكدبت خبر وخدت العيال وروحت على هناك...الراجل ساعةماشافنى عفريت ركبه...انتى ورايا وراياامال ياخويا هسيبك تقضى الموسم لوحدك..خلينا وادينا بنقضى الموسم مع،

امك اهى على قلبها اد كدة ..ياوليه انتى 

مش سايبة حد فى حاله حتى امى ...

انبى ماتزعل نفسك ياخويا قطيعة تقطع

الحلاوة على اللى غلوها.... اهو ادينا

نقضيه مع امك هى امك جابت حلاوة 

ولا ماجبتش....؟ اروح منك فين مش

هيخلصنى منك غير ربنا ...بس ياخويا

ماتقاطعش والنبى حد يقولى انا غلطانة

فى حاجة .....يلا على العموم كل سنة 

وانتوا طيبين وصباحكوا بردوا كالعااادة

سكر زيااااادة وزياااااااااادة