يوم جديد ويوميااات/ حشرية
هو دة النت
صباح الخير عليكم....ياكل اصدقائى ويوم جديد....من يوميات مواااطن...قمت النهاردة..
الصبح كالعادة.....وانتوا عارفنى كلى نشاط....
بس نايمة متنكدة ذىي..ذى بقية الناس الماتش
بقى يلا مالناش نصيب والنبى العيال كانوا...
بيلعبوا ذى الفل...المهم تتعوض ان شاء الله..
قلت افتح النت اصبح ع البنااات صحبااااتى
اشوف اخبارهم ايه...مانتوا عارفين انا مش
حشاااارية خاااالص..ياخويا اصل البنات دول
حظهم ف رجليهم....اللى اتخطبت...واللى ....
هتتجوز ...بيوقعوا شباب ذى القمر..بلاستين
خيبة يعنى البت امل....الموكوسة ماتعرفش...
تلقطلها عريس....حليوة...كدة وابن ناااس...
والنبى البت قمر...محدش عنده عريس للبت...
اصحاب ذى قلتكوااااا....الاقى كل الاخبار ...
بردوا ع الماتش ..قلت لاء اقوم اعمل حاجة ...
اشربها وارجع اطقس....خارجة يدوب الصااالة
والاقى الواد حماصة ...اذيك ياما....اذيك ....
ياحبيبى وخدنا بعض بالحضن ...اذيك ياواد
انت فين بقالك يومين ...فين ايه ياما مانا ...
لسة كتبلك ع النت اذيك ياما...عملتى نفسك
مش شايفة وماردتيش....انااااا. ..ابدا والله...
اصلى ياحبيبى اول مابفتح بلاقى رسايل
اد كدة ومابلحقش ارد على حد كلها والنبى
كلها ياواد بتبقى رسايل هاى ...وباى ..ديك
النهار ابوك فضل يكتبلى ياوليه اعمليلى ...
كباية. شاااااى وبصراحة شوفتها بس ....
استعبط كت برغى ومش فاااضية طب دة ..
كلام ياما ....قلتلك اعملى اوف لاين عشان ...
تقعدى براحتك....مانا ساعات بعمل كدة ....
لما الاقى ابوك هيقرفنى ويفضل يبعت ف ....
رسايل ...مرة اعملى شاى ...مرة قهوة ...مرة
فطار...والنبى ياحماصة مابقصر ماحنا ساعااات
بنتقابل ع الغدى.....حتى البت اللى تنضرب...
امل قابلتها امبارح ف المطبخ كت بتعمل...
ساندوتش بسالها مش باينة ...قال بتذاكر ..
محاضرتها ع النت....والنبى كداااابة تلاقيها
بترغى ..ومابتذاكرش ولا تتنيل مهى كل سنة
تاخدها ف سنتين....وهنروح بعيد ليه...مانت
راااخر بقالك سنتين ف ثانوية عااامة...المهم
ابقى تعالى ياواد حملى الافلام الجديدة اللى
نزلت .....طب هاتى فلوس عشان ادفع للراجل
فلوس الوصلة ..والنبى مامعايا بس اقولك ...
هتصرف واديهملك ...ااحسن الوصلة اتقطعت
الاسبوع اللى فات ساعتين قعدتهم ف بوز....
اسم النبى حارسة وصلينه ابوك ....وكان يوم
منيل. ..زن وخناق مع ان كان بقالى ييجى تلت
ايام ماشوفتوش...وانت ياواد....اخبار البت ايه
اللى بقالك شهر بتحبها.....اسكتى ياما ...مش
طلع واحد صاحبى وبيشتغلنى .....ياخبتك...
القوية ....مش تبقى تاخد بالك ياموكوس...
زمن اغبر الرجاااالة بتعمل نفسها ستااات
عشان ...توقع البنات اللى قد عيالهم..خيبة..
بعيد عنكوا وستات خناشير وتقولك سوسو
وموسو.....لاء وايه.....الخااااص ممنوع........
ودة كان يوم من يوميات مواطن....النت كل،
عقله...بيقابل اسرته صدفه....وكل واحد فيهم
عايش حياته.......وميعادنا بكرة مع يوم،جديد
من يوميات موااااطن ....وصباحكوا بردوا .....
كالعادة سكر زياااادة وزيااااااااادة
ليست هناك تعليقات:
إرسال تعليق