قصيدة ((((( يا صابره )))).
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يا م الرجال يا ست الكل يا صابره
يا مصر ياللى على مر العصور حره
لا الغدر قصر فيكى
ولا حد يقدر عليكى
وياما شافت عنيكى
كتير غدارين فجره
ياما فكروا و دبروا
وف الاخر بقم عبره
عمرك ما بتلينى ف العزم دوم صلبه
ولا بتستكينى ديمه ع العدا ....هبه
محفوظه من عند الاله
ومكرمك ف كتابه
دايما عظيمه وليكى جاه
الكل عامل حسابه
وصباكى دايم طول الحياه
ما يروح ابدا شبابه
واللى يخطى ف بر نيلك عمره ما ينساه بالمره
حبيبتى يا سمره يا ست الكل .........يا صابره
مهما يكيدوا ليكى.............انتى فوق الكل
حره وشعبك اصيل..عمره ما يرضى الذل
وانا حبى ليكى ديمه زايد
عمره ف يوم ما يقل
وانا يامه ابنك وبعترفلك
بأن حبك ف الوريد
وانا جيت هنا علشان أقولك
انى كلى ليكى ايد
تضرب ايدين كل غادر
بايد يا غاليه من حديد
وانتى عارفه يا مه انك
مطمع على طول الزمن
لكن انتى يا امى عزمك
صلب ما يصيبه الوهن
ولا يوم ح يقدر عليكى غادر
ولا يوم تأصر فيكى محن
و انا المصرى اللى اسمك جوه دمه
ورسمك جوه عقلى شاغله دايما يهمه
ونبع نيلك سلسبيل حلاه .ف ريقى
شهد يا غاليه وللعدا ديمه .طالع سمه
ما يهنا ابدا ف يوم ولا يرتاح ف ارضك
واللى ما يعرف يقرا.. يلقاكى قبر بيلمه
دى دروس وياما عدت من ايام الفراعنه
لكن البعيد ما عنده فهم ولا فعله له معنى
مايعرفش اننا ممكن ....يبقى ما بينا خلاف
لكن يا مصر وقت الشدايد .اسمك يجمعنا
على قلب واحد كلنا ما فينا ........فرق
مسيحى مسلم متجمعين لكلمه ....حق
وتدوب ساعتها الاسامى .. ونبقى واحد
على فكر واحد بنبض جوه القلوب بيدق
من غير ما يدرى ساعتها يطلع .... كغول
ويبقى سيف ف قلب العدا ........ بيشق
ولا عمرك يامه ........تهونى
ولا ترخص فيكى رمله
وعشان ما رجل تدوس ترابك
بالغدر ...تدوسنى قبلا
ومهما كانت حلوه الحياه
الموت يا امى عشانك احلا
ملايين يا امى زى فداكى
علشان كرامتك ديمه اغلى
دايما يا امى ربى حاميكى
وديمه رايتك ف سمانا تعلى
وخليه يحاول مره ومره
ويجيب ما عنده ف جراب وجره
يلقاكى دايما صالبا له عودك
ويلاقى طعمك ف الحلق مره
يا قبر العدا ... يا رمز الفدا
يا مصر انتى اغلى دره
على تاج الوطن مرفوعه
عز وكرامه وديمه قادره
تسقى عداكى الذل
دايما يا ست الكل
يا صابره
بقلم الشاعر /محمد الشاذلي
ليست هناك تعليقات:
إرسال تعليق