شاهد
(1)
شاهد جراحك ف قلبى
من سيف رموشك يا قادر
النظره تقتل وتسبى
وبارده فيك المشاعر
(2)
رضيت بعله فى فؤادك
وقلت يمكن تطيب
زودت همى بعنادك
وقلبى وجعه المغيب
(3)
يا ناى حزينه الغناوى
والفكر شارد بعيد
النوم لابو قلب خاوى
مش للى فكره شريد
(4)
هات المواجع يا مرحب
وصبهالى ف كاساتك
عاشق وراضى انى اشرب
المُرعشق ف حلاتك
(5)
اكتب حروف القصايد
يلعب بى طيفك ويكتب
الحرف جوايا قايد
ع السطر يضحك ويكدب
(6)
نامت عيون الخلايق
والقلب سهران يفكر
يمر طيفك يضايق
دايما حليبك معكر
........................................
سمير فرج عبد القادر
ليست هناك تعليقات:
إرسال تعليق