انا مليت من سؤالك
ايه يا بنتي فوقي مالك
حبيت وحبيت فيكي حاجه
مش بحبك عشان جمالك
سؤال كل شويه تسأليه
قولي بقي حبتني ليه
طب ليه السؤال ده كل شويه
لو بتحبيني كنتي عرفتيه
انا مش عارف حبيتك ليه
لكن حبك طول اليوم افكر فيه
متسأليش ليه حبيتك
عندك قلبك روحي أسأليه
قبل ما اشوفك واتعلق بيكي
قلت انا احب ده مش معقول
حب ايه ارتاحي يا نفسي وخليكي
قلت محدش يستاهل وكنت بقول
هعيشها زي ما انا عايز
وحب وعشق مش عايز
ده اللي عندي وهذيد عندي
مفيش يمكن مفيش جايز
شفتك حسيت احساس غريب
احساس جميل مش عايزه يغيب
لقيتك ملكتيني وملكتي تفكيري
وقلبي قالي هوا ده الحبيب
قلت خلاص ياقلبي ضعفت وسلمت
وكنت ساكت ياقلبي دلوقتي اتكلمت
لقيت قلبي معاكي وروحي معاكي
لقيت كل حاجه فيا فسكت واستسلمت
لقيت نفسي بفرح لما اسمع صوتك
وان غبتي لحظه قلبي يتلهف عليه
اقابلك اتبسم في كلامك وسكوتك
عرفتي حبيبتي انا حبيتك ليه
قلم. محمد سالم
ليست هناك تعليقات:
إرسال تعليق