يامعلمنى الحب
....
يامعلمنى الحب وحشنى
فات شهرين وانا باستناك
عامل ايه ارجوك طمنى
قلبى وروحى وعقلى معاك
يامعلمنى الحب سامحنى
غصبن عنى القلب ناداك
قاللى حبيبى وليه يخاصمنى
عشت الحيره فى سر جفاك
يامعلمنى الحب وحبك
اجمل شئ من عند الله
انت البسمه بتسعد قلبى
وانت الجنه اللى ف دنياه
يامعلمنى الحب وحشنى
عطر الورد ف حضن لقاك
باستناك وباقول لك إنى
مالكه الدنيا عشان بهواك
Nagat.
ليست هناك تعليقات:
إرسال تعليق