سكة وملهاش نهاية
لكن حكايتها حكاية
نقطة ومشوار و نهاية
هتخلص كل حكاية
_______
مشيت وانا طفل صغير
شايل أحلامي معايا
وكإني حمام بيطير
رفرف من كتر هنايا
______
شبيت وانا حلمي وخدني
عمال في حياتي أنا ببني
قابلتني هموم وخدتني
ورمتني في سكة بعيد
______
أرجع إزاي مش عارف
وطريقي انا حسه بعيد
يمكن علشان انا خايف
أمشي والسكة تزيد
______
ولقيت أدامي نهاية
وفرحت وكنت سعيد
أتاريها ياقلبي بداية
ويارتني ما كنت مشيت
______
منا أصلي حكايتي حكاية
نقطة ومشوار و نهاية .
خالــــــد محمــــــد .
ليست هناك تعليقات:
إرسال تعليق