ﻳﺎ ﺑﻨﺘﻰ ﺃﻧﺎ ﺻﻌﻴﺪﻯ
ﻭﺷﺎﻳﻞ ﻗﻠﺒﻰ ﻋﻠﻰ ﺇﻳﺪﻯ
ﻳﻄﻮﻝ ﺑﺎﻟﻠﻴﻞ ﻣﻮﺍﻟﻰ
ﻭﺍﻧﺎ ﺳﺎﻛﻦ ﻓﻰ ﺗﻨﻬﻴﺪﻯ
ﻭﺍﻏﺰﻝ ﻡ ﺍﻟﺤﻨﻴﻦ ﺗﻮﺑﻰ
ﻧﺎﺳﻰ ﻟﻜﻞ ﻣﻮﺍﻋﻴﺪﻯ
ﻭﻻ ﻳﻬﻤﻚ .… ﻣﻦ ﺃﻣﻚ ﻭﻻ ﻋﻤﻚ
ﺩﻧﺎ ﺑﺤﻠﻢ ﺃﻛﻮﻥ ﺿﻠﻚ
ﻭﺑﺤﻠﻢ ﺃﻛﻮﻥ ﻓﺮﺣﻚ ﺃﻛﻮﻥ ﻫﻤﻚ
ﻭﻓـ ﻋﺰ ﺍﻟﺸﻮﻕ ﺃﻧﺎ ﺍﺿﻤﻚ
ﻭﺍﺷﻴﻠﻚ ﻭﺍﺷﻴﻞ ﻋﻨﻚ
ﻣﻬﻮ ﻣﺸﻐﺮﻳﺒﻪ
ﻣﺎﺍﻧﺘﻰ ﻣﻨّﻰ ﻭﺍﻧﺎ ﻣﻨـــــــﻚ
ﻳﺎ ﻭﻋﺪﻯ ﻟﻮ ﺃﺷﻮﻑ ﺳﻨﻚ
ﻭﻳﻀﺤﻚ ﺑﺎﻟﻬﻮﺍ ﺳﻨﻚ
ﻭﺍﻋﻴﺪ ﺍﻟﺤﺐ ﻣﻦ ﺗﺎﻧﻰ
ﻭﺍﺳﻴﺐ ﺭﻭﺣﻰ ﻓﺪﺍ ﺩﻣّــﻚ
ﻣﻨﺎ ﺑﺘﻨﻔﺲ ﻓﻴﻜﻰ ﻣﻮﺍﻟﻰ
ﻭﺷﺎﻳﻒ ﻓﻴﻜﻰ ﺍﺣﻮﺍﻟﻰ
ﻭﺍﻗﻮﺍﻟﻰ ..… ﻭﺍﻋﻤﺎﻣﻰ … ﻭﺧﻮﺍﻟﻰ …
ﻭﺍﺟﺎﺑﺘﻰ ﻭﺳﻮﺅﺍﻟﻰ .……
ﻭﺍﺑﺺ ﻟﻴﻜﻰ ﻃﻮّﺍﻟﻰ ﻭﻟﻤﺎ ﺗﻌﺪﻯ ﻣﻦ ﺟﻤﺒﻰ
ﻳﻨﻘﻠﺐ ﺃﻧﺎ ﺣﺎﻟﻰ .……
ﺣﻤﺎﻣﻚ ﻃﺎﺭ ﻋﻠﻰ ﺩﻭﺣﻰ
ﻭﻋﺸﺶ ﻓﻰ ﺳﻨﺎ ﺭﻭﺣﻰ
ﺗﻌﺎﻟﻰ ﻗﺮﺑﻰ ﺭﻳﺤﻰ
ﻭﺍﻏﺰﻟﻰ ﺣﺒﻰ ﺗﺒﺎﺭﻳﺤﻰ
ﻭﻻ ﻳﻬﻤﻚ ﻣﻦ ﺍﻟﻨﺎﺱ
ﻭﻻ ﺣﺘﻰ ﺗﺠﺮﻳﺤﻰ
ﻋﻴﻮﻧﻚ ﻛﻞ ﻣﻌﺎﺯﻳﻔﻰ
ﺭﺑﺎﺑﺔ ﻭﻃﺎﺭ ﻭﻣﺠﺎﺩﻳﻔﻰ
ﻣﻨﺎ ﺻﻌﻴﺪﻯ … ﻭﺍﻧﺎ ﺭﻳﻔﻰ
ﻭﻻ ﺍﻗﺒﻞ ﻓﻰ ﻳﻮﻡ ﺗﺤﺮﻳﻔﻰ
ﻭﺗﺼﺮﻳﻔﻰ ﻭﺗﺼﻨﻴﻔﻰ
ﺣﺒﻚ ﺷﻖ ﺍﻟﻘﻠﻴﺐ ﻣﻦ ﺟﻮﻩ
بقلم / حســـــــــــــــــــام ابوحمدالله
ليست هناك تعليقات:
إرسال تعليق