متقوليلى
حياتي معاكي علامه استفهام
ملكتي روحي وبقيتي كل الاحلام
متقولي عملتي فيا ايه ؟
مش شاعر وكتبت الشعر فيكي
مش رسام ورسمت صوره ليكي
في حزني اتبسم لو شفت عنيكي
وبرتاح حبيبتي معاكي ليه ؟
ليه لما تنده الافي كلي بيجري عليك
ليه ازعل نفسي حبيبي علشان ارضيك
ليه كل حاجه حلوه بلقيها حبيبي فيك
وسري ليه قدامك احكيه ؟
ليه عيني حبيبتي مش شايفه غيرك
كلامي معاكي غير كلامي مع غيرك
ليه مكنش علي بعضي وانا بحيلك
وليه سكوتي بتفهميه ؟
ليه اكون مشغول في غيابك
ليه بحس ان انا كل احبابك
ازعل ومقدرش علي عتابك
وبكلمه ازاي قلبي بترضيه ؟
ليه اغني وشايف صورتك قدامي
ليه كل يوم اشوفك في منامي
ليه بقيتي وحدك كل احلامي
واحب ليه اللي تحبيه ؟
قلم . محمد سالم
💜💜💜💜💜
ليست هناك تعليقات:
إرسال تعليق