يا بت على مهلك حبه
الارض مش حمل دلالك
بتعدى تترج الحته
الكل بحلف بجمالك
يا سلام على رسم الشفه
والقصه نازله ع الحاجب
والرمش الاسود والكحله
هو انت والحُسن قرايب
يا بت ما تردى بكلمة
او حتى شاورى بصباعك
اناقلبى دايب م اللهفه
ملموس من السحر بتاعك
يا بت انا عاوزك ليه
وتكونى حبى وحلالى
زغلوله واعملك غية
تراعينى وتربى عيالى
يا باى بقى كبه يا انت
انا بتكسف سيبنى ف حالى
وانت كنت عاوز تخطبنى
على بتنا اوصل طوالى
ياحورية من حور الجنة
انا اصلى واقع فى غرامك
فين ابوكى انا مش هستنى
دايب فى سحرك وجمالك
انا ساكنه فى نهايه الشارع
على اليمين اول حارة
وبيتنا فى الدور الرابع
بعد الطريق تانى عمارة
انا جاى لكم مش هتاخر
والفرحة لكم سبقانى
والشوق فى قلبى مغلبنى
والسعد فى القرب امانى
ليست هناك تعليقات:
إرسال تعليق