صدّقيهم
___________
صدّقيهم لو قالولك
اني مش زعلان عليكي
واني عايش يومي يمكن
احلى مما كنت بيكي
واني مش بشغل دماغي
ولا حتى كمان بلاغي
اي حد تاني بعدك
عند وعدي وزي عادتك
انه مهما بعدتي عني
مش هلومك او هعاتبك
تفضلي انتي بعيدة برضه
وابقى متهني ف بعدك
كنت قبلك زي بعدك
لا الحياة اختلفت ف بعدك
ولا اختلفت انا ف الاساس
ياما ناس بيقابلوا ناس
مش بيبقالهم وجود
الليالي اللي مابينهم
مش بتعمل حاجة منهم
او بتصنع معجزات
حاجة من ضمن الحاجات
اللي عدت من سكات
في ف خانات الذكريات
خانة للعمر اللي ضايع
وانتي طولتي البعاد
فاكتفيت منك بذكرى
مش هشوفك تاني بكرة
مش هنرجع زي قبله
صدّقيهم لو قالولك
اني مش فاكرك بكلمة
حتى من ضمن الكلام
كله بيعدي اوام
فل انا وانتي تمام
يعني فكك م الحكاوي
وصدقيهم من سكات
حسام فتوح محمد حمدالله
ليست هناك تعليقات:
إرسال تعليق