اليكم حلقة من حلقات يوميات حشرية صباحكم بيضحك..بعنوان ( النت وسنينه)...
صباح الخير ....عليكم ياكل اصدقائى ويوم ....
جديد من يوميات مواااااطن....نزلة السوق....
امبارح ولا بيه ولا عليه....والاقى قدامى ......
البت حنان اللى ساكنة تحتينا.....البت والنبى
حلوة ...مش بطالة....يعنى ىشكلها ..ست بيت
وتعمر ....البت ياقلبى شكلها مخنوقة وماشية
ولاحتى عاوزة ترمى الصباااح...مالك ياحببتى
ماليش ياخالتشى ... لاء فيكى ايه يابت ..
ابدا ياخالتشى ...هو ف حد خاالى م المشاااكل
لاء دة كدة يابت الموضوع كبير هروح شنطة..
السوق....وابقى انزلك شوية ...ع العصر يكون
اسم النبى حارسه وصاينة ابو امل اتغدى....
ماتتعبيش نفسك ياخالتشى ....لاء ياحببتى
ولا تعب ولا حاجة دنتى ذى امل والله ....
اغديهم ...بس وانزلك اشب معاكى الشاى....
وماكدبتش خبر ....انا نازلة يابو امل عند....
جارتنا اللى تحتينا البت حنان ....استر يارب
ياولية سيبى البت الغلبانة ف حالها ...دى ...
كافية خيرها شرها....ولابتزورك ولا هى من سنك...سن ايه ياراجل ماتحسن ملافظك...
دة انا مقبلاها ف السوق والدمعة ياقلبى ع ...
خدها.. .اسيبها يعنى....لاء تسبيها اذاى ...لازم
تحيبى ارارها.....تموتى لو مااتاصتيش....اجرى
ياختى ...روحى ...ربنا يستر ع البت منك.....
انزل الاقى الواد جوزها الملزق .. بيفتح لى الباب.....خير ياحاجة ....اتفضلى ودخلت ع
اوضة الجلوس وانا مفروسة منه قال حاجة ..
قااال عاوزة اقوله الحاجة دى تبقى............
القصد دخلت البت بكبايتين الشاى ...تقول ...
البت ياعينى لقت نجدة ...وهاتك ياعياط.....
تعالى ...يابت ياحنان فضفضى ياختشى ...
ماتكتميش. ف نفسك...والنبى ياخالتشى ...
ماعارفة اقولك ايه....عمر بيعرف واحدة علية
وبيكلمها ..طول الليل....الموكوس وهو هيلاقى
ذيك فين ...دة انتوا مابقلكوش ييجى خمس
ست سنين ....لحق يزهق.....وعرفتى اذاى يابت...مايمكن بيكلم صاحبه وانتى فهمتى ...
غلط....صاحبة ايه ياخالتى دة بيعرف واحدة
من ع النت....قطيعة تقطع النت واللى اخترعه
اللى خسر ...الكل كبير وصغير .....المتنيل
ابو امل كان الواد حماصة عاملة ...كاون يخش
ويقفل ع نفسه بالساعات ...خدت البسابورت..
بتاعه ...م الواد حماصة من وراه لقيته خربها
ويكلم البنات ويقولهم دنا عشين سنه ومش
متجوز ...وبدور ع علاقة جااادة قلتله تعالى
ياحيلتهاااا جادة ..مين يابو جادة مش،عيب
عليك ياراجل ياشايب ياعايب....طب خاف..
ع بنتك دة انت عندك عروسة ع وش جواااز
وخليته قفل الكاونت وحرمته يقعد ع الكمبيور
خالص..الحقى يابت من اولها وخدى الباسبور
بتاعة وشوفى حالك من اولها......اولها ايه بس
ياخالتشى .......دة متفق معاها ع الجواز ...
وعرفتى اذاى ...ابدا ياخالتى كان قاعد ع ...
الكمبيوتر .....ونسيه مفتوح ودخل الحمام....
لقيت بت ذى القمر ....ولقيت كلام حب ....
وكلام عن جواز وهو حاطت صورة كاظم....
الساهر ....مين ياختى كاظم الساهر....دة..... بيمثل...لاء ياخالتى بيمثل ايه دة مغنى ....
اللى بيغنى للعيال الصغيرة دلع عينى دلع....
ايوة يابت سمعت الواد حماصة ...كان مشغل
اغنية حلوة اوووى اسمها جوة الروح....ابقى..
شغليها للموكوس جوزك يمكن يحس ع دمة
بصراحة كاظم صحيح قمر بس جوزك..... ماتاخذنيش...شبه القلم الرصاص...اللى لا ليه
شكل ولا منظر ...دة انتى جنبه يابت قمر
انا لو منك ...الم هدومى واسيبله البيت .....
مطربق ..ع دماااغه....بص هو يعرف يفتح
بيت....عشان يتنيل ....يدور يفتح اتنين .....
والاقيلكوا ...الواد داخل علينا.....اهلا ياحبيبى
منورانا ياخالتشى دة نورك ياحبيبى ....هو ...
انت ياحبيبى مراتك دى مش مالية عينك.....
عشان تقعد ع الكمبيوتر وتكلم البنات....ياخويا
الواد تنح ولا بقى عارف يصد ولا يرد....والبت
راخرة بتقولى ايه ياخالتشى......يوووووة .....
مهو يابت لازم يعرف انك عرفتى خليه يتلم
شوية .....بنات الفيس دول ياخويا مافهمش
رجى بتبقى ذى القردة وتقولك انا شبه هيفاء
وهبى...واللى تعرفوا ياحبيبى احسن م اللى...
ماتعرفهوش.....وانت كمان ياواد مانت شكلك
اهو مايسرش وحاطت صورة كاظم....يعنى
كله كدب ف كدب ....وانتى ايه اللى عرفك..
ياوليه انتى .....وليه.......وليه ف عينك..واد
قليل الادب صحيح ياخويا انت بس بص...
لبيتك بلاش عينك الزايغة دى ...يقوم يدور
ع البت الغلبانة انتى بطلعى اسرار بيتنا..بره
وجايبالى ..واحدة ارشانة تحاسبنى .. ارشانة
ف عينك اما واد بجح صحيح...دة بدل.... ماتنكسف....ع دمك......والبت الغلبانة اللى
مستحمله قرفك ....المهم شاط هو والبت ....
كلمة منها ع تلت اربع كلمات منه ...وحلف ....
عليها مهى قاعدة ف البيت ....استهدوا بالله..
ياولاد وصلوا ع النبى انا طالعة ياحببتى ....
وحلوا مشاكلكوا مع بعض.....انا مالى خلينى
ف حااالى مااحبش خراب البيوت... .ودة كان
يوم من يوميات مواطن جت ...تكحلها....عمتها
وميعادنا بكرة مع يوم جديد....وصباحكوا....
بردوا كالعادة سكر زيااااااااادة ...وزيااااااادة
ليست هناك تعليقات:
إرسال تعليق