حلقة جديدة / يوميات حشرية
ابرز تنجز
صباح الخير عليكم ....ياكل اصدقائى ويوم جديد..من يوميات مواطن....بطاقة التموين ...
بتاعتى ضاعت منى امبارح بالبوك بمصروف ...
البيت والنبى ماعارفه مين اللى قلبنى .كان فى
عيال ف الشارع بيتخانقوا وقفت احجز بينهم...
الظاهر ولاد القرود اللى قلبونى ... ادور ..من هنا
ومن هنا ...ابدا لا شايفة حد ولا حد بيدور معايا
الناس مابقاش عندها دم ويساعدوا واحدة ست
ذيى اه مانا لو كت موزة ولا حطة كيلو هباب ...
ع وشى كانوا اتلموا ..عليه .....الخلاصة خت،..
بعضى وروحت ...احكى لاسم النبى حارسه ...
وصاينه ابو امل ....الراجل بدال مايقولى فداكى
يقولى وانتى ايه يوقفك بين اتنين بيتخانقوا ...
روحى شوفى هتكملى بقية الشهر اذاى ...يادى
الخيبة عليك راجل ...طب قول سلامتك..... ولابركة انك بخير ....يلا القصد ياخويا المشكلة
مش ف البوك ...بطاقة التموين هى المشكلة ...
دة احنا ماجبناش تموين الشهر دة ...والعيش
هنجيب العيش من غير بطاقة اذاى ....روح ...
هات. لنا بطاقة امك لحد مانعمل بطاقة جديدة
الراجل يقولى روحى مع نفسك اعمليها انا لارايح
ولا جاى ....قلت وماله اروح ياخويا هما..... هيخطفون اتارى الموضوع منيل بستين نيلة ...
وهاتى ورق وصورى ابصر ايه واطلعى وانزلى
لما رجلى دابت ...قلت لاء انا اقعد ارتاح .....
شوية وبعدين اكمل برم....الاقى الواد اللى بيعمل
الشاى ....عاوزة ايه ياحاجة ....انبى يابنى ....
جاية عشان البطاقة ضاعت ...وبعمل غيرها ...
اهرشى ياحاجة وانا اخش اخلصهالك من ...
محروس افندى ....مانا يابنى لسه خارجة من عنده...هاتى بس الورق ومالكيش دعوة..الواد
مسافة مادخل ....خلصلى الورق ف لمح البصر
هار مش معدى ....بقى عشان خمسة ولاعشة
جنية يطلعونى وينزلونى ميه مرة مش كانوا
قالوا ...مفيش،رشاااوى والموظف اللى ياخد
رشوة نبلغ عنه ...الواحد مابقاش عارف يكدب
مين ويصدق مين ....طب ادينى ببلغ اهوووووو
ابقوا تعالوا قابلونى لو حد عبرنى .....وان ...
عبرنى هياخد من رشوة عشان يمسك اللى خد
منى الرشوة يعنى منهم فيهم ....والنبى روحت
اضرب كف ع كف .....عمر بلدنا ماهيتعدل حالها
طول ماحنا ماشيين بمبدا ابرز ...تنجز ...ربنا
يرحمنا برحمته .....يعنى الناس الغلابة اللى
ماحلتهاش اللضى ....تعمل ايه غيرش انا ابو
امل سواق قد الدنيا وربنا كارمة ...اهو راخر
متنيل ع عينه بيركب الفردة ويقعد الناس محشرين وبيستغل الناس ويبقى ماسك الخط
ويقول قبل اخر الطريق هو دة الاخر يخاف
يكون ف لجنة ولا حاجة اهو ربنا بيخلص...
ويسلط ابدان ع ابدان ..بس انا ذنبى ايه....
لابسوق مكروباظ ولا باخد رشوة من حد.....
ولا بتحشر ف اللى مايخصنيش... يلااااااا
حسبى الله ونعم الوكيل ف الموظف اللى بياخد
رشوة ...ع السواقين الاستغلالية ...يمكن....... الدعوة تصيب ابو امل راخر خلينى اخلص....
ودة كان يوم من يوميات مواطن ....وماينوب
المخلص الا السرقة والبهدلة...وميعادنا بكرة ...
مع يوم جديد من يوميات مواطن وصباحكوا
بردوا كالعادة ...سكر زياااادة .....وزياااااادة
ليست هناك تعليقات:
إرسال تعليق