حلقة جديدة / يوميات حشرية
نزلة برد
صباح الخير عليكم....ياكل اصدقائى ويوم جديد من يوميات مواطن.....بقالى كام يوم ...
بعيد عنكوا البرد..مبهدلنى ...عطس...وسخونية
ومش قادرة اخد نفسى ...م الاخر عامل معايا
الصح....واسم النبى حارسه وصاينه....ولا سائل
فيه ...لا قوله تعالى اوديكى لدكتور ولا حتى مستشفى ....قلت يلا اهم شوية البرد..... وهيروحوا لحالهم....لقيت الموضوع قلب معايا
كحة ورعشة والسخونية ذادت قلت لاء دة دة
الموضوع مايتسكتش عليه ....اريح شوية ...
واكن ف الفرش ...الاقى البعيد اللى ماعندوش
دم ...ياوليه انتى هتتخمدى وتعملى فيها ....
عيانة دول شوية برد....روح ياشيخ الهى ....
يجيك ...ويحط عليك ...هو انت يارااجل ....
مابتحسش....اجرى ياخويا اتحرك ..روووح...
هاتلى شريط بووورشام ولا ازازة دوى كحة..
م الازاخااااانة.....ياولية قومى انتى...... هتستموتى ....ياراااجل هستموت ايه انت...
البعيد ماعندكش نظر....دة انا بقالى اسبوع..
عيانة وواقفة ع رجلى ..وبخدمكوا ومش ...
مقصرة بدل ماتقول سلامتك. المهم كلمة ..
منه ع تلات اربع كلمات منى ..العيال خرجوا
من اوضهم......بصراحة الله يباركلهم اول ....
مرة يقفوا معايا واصعب عليهم ...اللى ماحد
فيهم عمره بينصفنى ...غيرش انا بس اللى
ماحبش المشاكل ..الواد حماصة اسم الله..
عليه...هات فلوس انا اروح اجيبلها دوى ....
م الصندلية.... روح ياخويااااا هو انتوا وراكوا
غير كلمة هات .....خد عشة جنية وروح هاتلها
شريط بورشام وازازة دوى كحة....الواد.....
مسافة مانزل طالع يزعق ....كسفتونى .......
ادى الراجل العشة جنية وقوله ازازة دوى كحة وشريط بورشام يبصلى ويضحك....شريط البورشام لوحدة بتلتاااااشر جنية وازازة دوى
كحة .....بسبعتاااااشر ..هاااااااار اغبر ..اذاى
ياوااااد اقوم انزله دة ...تنزلى فين ياما ...
انتى فيكى نفس ...قوم الراجل بدل ماينزل ..
يتخانق مع بتاع الازخاااانة يقولوا سيبها....
ياواد يكش يديها سم فيران خلينا نخلص....
من لسانها.....اخس عليك راجل ....هو انا ياراجل...قاعدة ع قلبك ....امال عاوزة تنزلى،
ترازى ف خلق الله ليه دة راجل واقف يبيع ...
بالسعر اللى وزارة الصحة منزلاه....وانا مالى،...
ياخويا مطلعاه ولا منزلاه انا عيانة وعاوزة ....
اقل حاجة ....دوى كحة ولا شريط بورشام ....
يعنى الغلبان اللى ذى حالاتى لو عييى يروح
يموت.....خد هنا ياراجل سمعاك وانت بتبرطم
تلاقيك ف سيرك بتقول ف داهية ...ياولية
ماتتهدى هو انتى عيانة ولسانك بردوا اطول
منك هو لسانك دة مابيعياش شوية ....اسم
الله عليييييه بكرة اقوم وابقى ذى الفل....
واخلصه منك يا راااجل .... مستخسر تجيبلى
العلاج ..بس بصراحة هو عنده حق يروح يدفع تلاتين جنية عشان شوية برد....الله يكون
ف عون اصحاب المرض ربنا يشفيهم ويقدرهم
انا بردوا اقول الحمد لله وانت يابوا امل الهى
اللى فيه يبجى فيك واشوفك مرمى الرمية دى.....اجرى يابت ياامل اعمليلى كباية شاى..
واعصريلى ...عليها ليمونة ..وانا هتكلفت ...
انام واقوم ذى الفل....بلا دوى بلا غيره .....
خلى ابوكى كانزهم ع قلبه...ودة كان يوم ..
من يوميات موااااطن لو تعبان ..مايعرفش
يجيب علاج من غير حتى مايروح لدكتور
وميعادنا بكرة مع يوووووم جديد.......
وصباحكوا بردوا كالعادة سكر زياااااااادة
..........وزياااااااااااااادة...........
ليست هناك تعليقات:
إرسال تعليق