شعر باللهجة العامية... بعنوان ...
أبو وسيم يا أغلى الناس...
مهداة لشقيقي عمر محمود الأصفر ...
أبو وسيم ...
...................................................
أبو وسيم يا أغلى الناس
وأنت أغلى الغوالي
قلبك صافي و متل الماس
وأخلاقك دهب غالي
راسك للسما مرفوع
جبيتك قمر بيلالي
وإيدك ممدودة للخير
وما بيعلا عليها عالي
...................
أبو وسيم ياغالي كتير
وأنت زهرة عطرية
عطرا سخي وعم بيفوح
من عابكرة لعاشية
و متل الشمعة لما تطل
بتزين هالسهرية
بأعمالك رح تبقى كبير
و متل الشمس المضوية
....................
أبو وسيم جايي لعندك
بدي قعدة هنية
افرشلي بيتك بالأزهار
وعلي بابك شوية
وجهزلي ابريق الشاي
وجيب القهوة العربية
الليلة ما في عنا نوم
و السهرة صباحية
........................................
ملك محمود الأصفر
ليست هناك تعليقات:
إرسال تعليق