أغانى الورد/بقلم الشاعر/ السيد ابو طاحون

أغاني الورد 

*********

ولما الورد ..

يحكيلي حكاياته ..

وقبل الفجر 

قام وضب ناياته 

يقوم النور ..

ويفجر آياته 

***********

يا بحر مسجور ..

بيقلب إيديه محتار 

وقلبه يتقلب 

فى قلب النار 

امتى تقول السر

للاشعار

************

ويصحي الورد ..

ويفتح عينيه 

يلاقي النور ..

بيقبل خدوده 

ونادى نداه ..

قام رطب شفايفه 

وغار النور ..

فلا يعرف حدوده 

وموج البحر ..

إتزلزل وغني 

طلع ع الشط ..

قام هادد سدوده 

*************

ورده وقايمة الصبح متوضيه ..

وقلبها أبيض حرير ف إيديا 

نظرة عنيها بتزرع الحنية 

فتحت عيني ..

قالي ماء الورد 

الحب ..

حالة عشق سحرية ..

ياخدك في لحظه 

لأرض بكرية 

واللي يدوق الورد ..

ما تعجبه المايه 

**************

عيون وردتي ..

عيون المها 

جميلة وكحيلة 

مفيش زيها 

العيون اللي 

يسبح فيها القمر 

وخايفك

 كلام من شفايفك ..

يهز الحجر 

وصوتك حكاية ..

وكل اللي سامعك 

وشايفك سكر 

وتاه عن طريقه 

وحس بخطر 

وطول الشتا

 يدور يدور

وما في مطر

*************

ويكفيني روحك ..

وهمسك وبوحك ..

ونسمة عبيرك ..

تشد الوتر 

**************

شايف شموسك ..

جاية مش راحلة 

يا حبيبتي إحنا ف

 أول الرحلة ..

وأنا حضني مفتوحلك ..

علي أخره 

بالباب انا واقف

 ومن بدري ..

وقلت يمكن تكون نايمة 

لما تقومي إفتحي 

دفيني برموشك ..

*************

#أغاني_الورد

#السيدابوطاحون 

#الاخنوم