(((( غيبة الحبيب وجيته ))))
وعدتني يا مخالف الوعد وينك
تركتني وحلفت لي إنك راجع
مادريت إنك ما راح توفي بيمينك
وإنك لقلبي وعيني كنت تخادع
إنتظرتك بنفس المكان إللي التقينا
لا جيتني ولا أعتذرت لي بمكتوب
تركت دنياي وراي لجل تلاقينا
وإنت الوقت عندك ماهو محسوب
وينك يا مخالف الوعد عني
وأنا من عد الثواني لجل التقيك
تأخرت بموعدك تبي تقتلني
ليتني أعرف بس وين أراضيك
هلا بمخالف الوعد توك جاي
تأخرت علي كثير يا قليبي
خمس دقايق تأخرت يارجاي
ويش أخرك علي يا حبيبي
توها دنيتي صارت فرح
لحظة حضورك يا غرام
توه صدري بشوفتك إنشرح
والروح عادت لي بسلام
حسيت بغيابك إني بضيع
ولو كان غيابك خمس دقايق
حسيت إني الألم فظيع
وصدري بغيابك صار ضايق
تعودت عيني على شوفتك
و ما تصورت ترمش بلاك
كل ما بدنيتي صار صورتك
و بغيبتك نبض قلبي هلاك
الناس تتنفس بطبع هواها
وأنا أتنفس يا عمري بوجودك
قربك يا حب للنفس رضاها
أموت أنا لو بعدت عن حدودك
عساك ياهناي عمري دايم معاي
ولا تبتعد عني ثواني بيوم
إنت حياتي و عطري وهواي
من غيرك إنت أعيش مهموم
صائغ القوافي الشاعر
فهد بن عبدالله الصويغ
1-12-2017
ليست هناك تعليقات:
إرسال تعليق